Bakit Kinahihiya ni Cong. Trisha Bonoan-David na sya ay kabilang sa LAKAS KAMPI-CMD?

Kung titingnan nyo sa website ng COMELEC (http://www.comelec.gov.ph/2010%20National_Local/2010%20candidates%20pdf%20files/NATIONAL%20CAPITAL%20REGION%20-%20MANILA.pdf) makikita nyo na ang partido ni Congresswoman Trisha Bonoan-David ay Lakas Kampi-CMD. Pero kung titingnan nyo mga posters nya ay walang nakalagay na partido dito. Di tulad ng karamihan ng mga pulitiko na nakalagay kung Nacionalista ba sila o Liberal o kung ano man ang partido nila.

Ayaw ba ng ating congresswoman na malaman ng mga tao na isa syang kaalyado ni Pangulong GMA? Na kung manalo ulit sya ay isa sya sa susuporta sa pagiging Speaker at Prime Minister ni PGMA? Huwag nyo na itago Congresswoman buking na kayo!

Ang Init!

Habang tumatagal ang summer ay painit ng painit ang panahon. Nung isang araw ay nagtala ng record na 37 degrees C ang temperatura natin. Hindi ko alam kung iinit pa pagdating ng Mayo. Sobrang init kaya di ko masisisi ang mga tao kung tatambay sa mall pagdating sa hapon. Hindi naman kasi lahat kaya bumili ng air-condition at magbayad at kuryente.

Kaya ako ang remedyo ko ay naliligo ako ng tatlong beses isang araw para labanan ang init. Kaso tataas naman ang bill namin sa tubig. Hayyy buhay!

Ano Ba Na Naman Ito Congresswoman Bonoan-David?

Nagsusurf ako ng internet nang makita ko na naman ang pangalan ng ating kongresista na si Trisha Bonoan David. Puntahan nyo po ito sa internet: http://www.tribuneonline.org/metro/20100316met1.html .

Ayon sa balitang ito nasasangkot na naman sa isang anomalya itong congresswoman natin. Grabe na to! Garapalan na to! Nakakaisang termino palang sya ang dami na nyang kalokohan! Nakalagay sa balita na 55 million pesos ginastos sa kalahating kilometro na J. Fajardo St. dito sa Sampaloc. Kalahating kilometro - 55 million! Wow! May mga diamante ba yang kalsada na yan?

Sa unang basa ko sa balitang ito ay kala ko ay baka sinisiraan lang sya ng mga kalaban sa pulitika pero may ebidensya ang mga ito kaya siguradong hindi ito paninira. May pirma pa ito ng Budget Secretary ni GMA. Ayon sa balita:

"A copy of the SARO (Special Allotment of Release Order) was issued by Department of Budget and Management duly signed by Secretary of Budget and Management Rolando Andaya dated Dec. 6, 2007.

The SARO states the funding of Public Works and Highways OSEC-North of Manila District Engineering Office-District 1V project which are the upgrading of/concreting with drainage improvement of J. Fajardo Street consisting of Phase-1, M. De la Fuente Street to Craig Street, Manila that cost P 16,047.000 and Phase II, M. De la Fuente Street to M. Earnshaw Street, Manila costing at P12,309,000; and the upgrading and concreting with drainage improvement of M. De la Fuente Street to Loyola Street to Honradez Street, Manila worth P6,644,000.

The total price for the SARO project was a total of P45 million.

A second SARO signed on March 28, 2008 comes from appropriation source of Fiscal year 2008 budget under (RA 9401 as re-enacted) which covers the upgrading of concreting with drainage improvement of J. Fajardo from A.H. Lacson- M.Earnshaw Street, Sampaloc, Manila with a total contract price of P10,000,000, all in all of the two SAROs had a project total of P55 million.

The P55 million SARO translated to a half kilometer road which more expensive than the infamous Diosdado Macapagal Highway in Parañaque Metro Manila."

Samakatuwid, MAS MAHAL PA PALA ITONG KALAHATING KILOMETRONG J. FAJARDO KESA JAN SA MACAPAGAL HIGHWAY! Mas matindi pa pala si Congresswoman kesa kay Pangulong GMA!

Ang nakakainis dito ay kaming mga ordinaryong mamamayan ng Sampaloc ay kumakayod araw-araw para mapakain at mapag-aral ang aming mga anak pero si Congresswoman isang pitik lang ay limpak limpak na salapi na! Hindi man lang nya inisip ang mga taong naghalal sa kanya. Kaya hindi umuunlad ang Pilipinas dahil sa mga pulitikong tulad ng ating Congresswoman.